സഖേ

ആത്മ മോഹങ്ങളീവണ്ണമോതുന്ന നേരത്ത് 

അരണിയായുള്ളം കടഞ്ഞെന്റെ മാനസം

പ്രണയമാമഗ്നിയീവിധം നീറിനീറിപ്പടർത്തുന്നു,

നീലവാനം തോല്ക്കും മിഴികളിൽ നീരദകന്യയാൽ 

അഞ്ജനമെഴുതുമ്പോൾ, മാധവം കിനിയും മലർശര-

ത്താലെൻ മാനസമെന്തിത്ര പരവശമാകുന്നു സഖേ  

കാവുതീണ്ടുന്നോരാവണിത്തൈത്തെന്നൽക്കിടാവിൻ 

ചൊടികളി,ലിത്രമേലാർദ്രമായൊരു ഗന്ധരാജഗന്ധം 

നിറയുംപോലത്രസാന്ദ്രമായി നിന്നിലേയ്ക്കലിയുന്നു ഞാനും